khojkhbarchhattisgarh hindi news
Related Articles
पुलिस करे कार, मोटरसाइकिल, डीजल अऊ नगदी जप्त
तिल्दा रायपुर खोज खबर छत्तीसगढ़ संवाददाता
तिल्दा-नेवरा/रायपुर ग्रामीण
थाना तिल्दा नेवरा पुलिस ह ट्रक चालक मन ल मारपीट करके लूटपाट करे अऊ संभव स्टील एंड ट्यूब लिमिटेड परिसर के कैंटीन म तोड़फोड़ अऊ कर्मचारी मन संग मारपीट करे वाला 06 झिन आरोपी मन ल गिरफ्तार करे म सफलता पाय हवय। पुलिस ह आरोपी मन के कब्जा ले लूट के समान अऊ घटना म उपयोग करे वाहन मन ल जप्त करे हवय।
पुलिस ले मिले जानकारी अनुसार 22 मई 2026 के एक काला रंग के कार अऊ मोटरसाइकिल म सवार 06 झिन मन ह सरोरा स्थित संभव स्टील एंड ट्यूब लिमिटेड परिसर म जबरदस्ती घुसके लेबर कॉलोनी अऊ कैंटीन कर्मचारी मन संग रॉड ले मारपीट करिन अऊ कैंटीन काउंटर म तोड़फोड़ करिन।
बताय जावत हवय के मुख्य आरोपी जयमोहन शर्मा उर्फ लक्की शर्मा ह कैंटीन संचालन के बदला म हर महीना अवैध रकम अऊ शराब पीए बर पैसा मांगे रहिस। पैसा देय ले मना करे ऊपर कर्मचारी मन संग गाली-गलौज अऊ मारपीट करे गीस।
एही दिन रात म ग्राम सरोरा रोड के निर्माणाधीन पुलिया लगे आरोपी मन ह ट्रक क्रमांक CG 04 PG 9775 अऊ CG 04 PG 0380 ल ओवरटेक करके रोक दिन। आरोपी मन ह ट्रक चालक मन संग मारपीट, गाली-गलौज अऊ जान ले मार देय के धमकी दिन। एकर बाद ट्रक के शीशा फोड़के लगभग 30 लीटर डीजल अऊ नगदी रकम लूटके फरार हो गइन।
मामला के गंभीरता ल देखत पुलिस अधीक्षक रायपुर ग्रामीण श्वेता श्रीवास्तव सिन्हा, अतिरिक्त पुलिस अधीक्षक ग्रामीण प्रशांत शुक्ला, अऊ पुलिस अनुविभागीय अधिकारी वीरेंद्र चतुर्वेदी के मार्गदर्शन म थाना प्रभारी तिल्दा नेवरा निरीक्षक रमाकांत तिवारी के नेतृत्व म विशेष टीम बनाय गीस।
पुलिस टीम ह त्वरित कार्रवाई करत मुख्य आरोपी सहित 06 झिन आरोपी मन ल अलग-अलग जगह ले पकड़के पूछताछ करिस। पूछताछ म आरोपी मन अपराध करना स्वीकार करिन।
पुलिस ह जप्त करिस
एक कार (कीमत करीब ₹6 लाख)
एक पल्सर मोटरसाइकिल (कीमत करीब ₹1 लाख)
30 लीटर डीजल (कीमत करीब ₹3 हजार)
₹12 हजार नगद रकम
गिरफ्तार आरोपी मन
1. लकी उर्फ जयमोहन शर्मा (33 बछर)
2. दिना उर्फ दिनेश माधवनी (33 बछर)
3. विशाल छबलानी (32 बछर)
4. नोहर सिंह रजक उर्फ बूट्टी (26 बछर)
5. दीपक साहू (27 बछर)
6. मोहित उर्फ मोंटी मेहानी (30 बछर)
पुलिस ह 24 मई 2026 ल सब्बो आरोपी मन ल गिरफ्तार करके न्यायिक रिमांड म न्यायालय म पेश कर दीस।
खोज खबर छत्तीसगढ़
“सच्चाई संग, जनता के बीच”
