khojkhbarchhattisgarh hindi news
Related Articles
तिल्दा नेवरा खोज खबर छत्तीसगढ़ संवाददाता संतोष यदु
तिल्दा-नेवरा | जिला रायपुर
तिल्दा-नेवरा नगर पालिका क्षेत्र के पार्षद अऊ भाजपा महिला मोर्चा शहर अध्यक्ष रानी सौरभ जैन ह देशहित मं प्रधानमंत्री नरेंद्र मोदी के अपील के समर्थन करत पेट्रोल-डीजल के सीमित उपयोग अऊ सोना-चांदी के गहना खरीदी ले फिलहाल दूरी बनाए रखे के संकल्प लीन्हीं हे।
रानी जैन कहिन कि अभी के परिस्थिति मं देसहित सबसे ऊपर हे अऊ हर नागरिक ला अपन जिम्मेदारी समझके राष्ट्रहित मं सहयोग करना चाही। ओमन बताइन कि वो खुद इलेक्ट्रिक वाहन के उपयोग करत हें अऊ जब तक हालात सामान्य नई होही, तब तक कोनो नया सोना के गहना नई खरीदही।
ओमन शहरवासी मन ले घलो प्रधानमंत्री के अपील के समर्थन करे के आह्वान करिन। खास करके महिलामन ले आग्रह करत कहिन कि अनावश्यक गहना खरीदी ले बचंय अऊ ईंधन बचत ला प्राथमिकता देवंय।
रानी जैन कहिन कि छोटे-छोटे प्रयास घलो देस के आर्थिक मजबूती अऊ आत्मनिर्भरता मं बड़े योगदान दे सकत हे। ओमन नागरिक मन ले संयम, जागरूकता अऊ राष्ट्रहित के भावना संग आगू आए के अपील करिन।
रिपोर्ट : खोज खबर छत्तीसगढ़
