khojkhbarchhattisgarh hindi news
Related Articles
खोज खबर छत्तीसगढ़ रिपोर्टर मनीषा टंडन
सिमगा ब्लॉक के अंतरगत आवत हथबंद ले लवार तक के मुख्य सड़क अब गांववाले मन बर मुसिबत बन गे हवय। सड़क के हालत अतका खराब हवय के अब ये रस्ता जान लेवा होगे हवय। जगा-जगा उखड़े डामर, बड़े-बड़े गड्ढा अऊ पानी भरइ के कारन आम जनता ला भारी तकलीफ झेलना पड़त हवय।
ये सड़क ले हथबंद ले बिलासपुर जइसने बड़े सहर तक आवाजाही होथे, तेनला देखत ये रस्ता बहुत जरूरी हवय। गांव के मनखे मन कहिन के सीतापार ले हथबंद तक के हिस्सा अब तक अधूरा हवय, जिहां की दारचूरा ले लवार तक नवा डामरी सड़क बन गे हवय। ए तरह के आधा-अधूरा काम ले गांववाले मन मं नाराजगी ह बढ़ गे हवय।
लोकल मनखे मन के कहिना हे की आधा रस्ता बनाना अऊ आधा ला एत्तक उपेक्षित छोड़ देय सरकार के अनदेखी ला दिखाथे।
दारचूरा ले लवार तक त नवा सड़क बन गे हवय, फेर सीतापार ले हथबंद तक के हिस्सा अब घलो बेहाल हवय। आखिर सरकार कब सुधराही ये हिस्सा ला?
गांववाले मन सरकार ले मांग करत हें के सीतापार ले हथबंद तक के सड़क के जल्दी बनई होवय अऊ पूरा रस्ता ला एक समान डामरीकरण कर के सुधारी जावय, जेन ले जनभागीदारी अऊ सुरक्षा दूनो बने रहय।
